Ikastolan, uste dugu ingurumen-hezkuntza ez dela soilik irakasgai soil bat, gure ingurunea bizitzeko eta errespetatzeko modu bat baizik. Horregatik, gure Ingurumen Batzordea egunerokoan aldaketak egiteko erdigune bihurtu da.
Jakin-mina elikatzen duen baratzea
Espazio honetan, ikasleek liburuak alde batera uzten dituzte eskuak zikintzeko. Hemen ikasten dute, besteak beste, tomateak ez datozela supermerkatutik; esfortzutik, etengabeko ureztatzetik eta pazientziatik baizik. Gure "aire zabaleko gela" da, non bizitzaren zikloa ahalik eta modu garbienean ulertzen den.
Ikastolako gune amankomunak zaintzeko kemena
Erantzukizuna gertu dugunetik hasten da. Horregatik, eremu komunak garbitzeko lantaldeak antolatzen dira mailaka. Kontua ez da hondakinak biltzea bakarrik, ikastolako kide izatearen zentzua sustatzeko helburua baliostean datza: ikasle batek bere patioa zaintzen duenean, bere herria zaintzen ikasten du. Mailakako txandakatze horrek adiskidetasuna eta besteen lanarekiko errespetua indartzen ditu, komunitatearekiko zerbitzu bat burutuz.
Kontzientziazioa eta ekintza: Murriztu, Berrerabili, Birziklatu
Ikastetxeko pasiloetan, birziklapena egiteko modu zein ohitura bat bilakatzen ari da. Kontzientziazio-kanpaina etengabeen bidez, hondakinak bereiztea zerbait naturala izatea lortzen ari gara. Gainera, Ingurumen Hezkuntzaren Eguna bezalako funtsezko datak aprobetxatzen ditugu tailer bereziak egiteko ikasgelan, zeinak gure eguneroko erabakiek munduan duten eraginari buruz hitz egiteko agertoki ezin hobe bilakatzen diren.
Sustraiak botatzen dituen ondarea
Agian aurtengo unerik zirraragarriena gure herrian 6 zuhaitz berri landatzea izan da, LHko maila bakoitzeko bat. Ekintza sinbolikoa izan arren, errealitatez betea da: gaur landaturiko zuhaitza ureztatzen duten ikasle horiek, bihar bilatuko dute haren itzala. Hori da gure oparia etorkizuneko herriarentzat, eta Lautada Ikastolan ingurune berdeago eta osasungarriago baten aldeko apustua egiten jarraitzen dihardugu.
Guztion proiektua
Ingurumen Batzorde honek ez luke funtzionatuko ikasleen parte-hartzerik eta familien babesik gabe. Aurrera eramandako ekintza horiek ikastetxeko hormak gainditu eta gure
Herriko etxe bakoitzera iristea nahi dugu. Izan ere, azken, finean, gure ingurunea zaintzea da irakatsi eta ikas dezakegun ikasgairik onena.