Urtarrilaren 25ean, datorren ostegunean, 16:00etatik aurrera, ate irekien jardunaldia eta bakarkako elkarrizketak egingo dituzte Aguraingo Lautada Ikastolan. "Guk ezagutzen dugu, baina familia berriek ere badute horretarako aukera. Horregatik, etor zaitez gu ezagutzera", adierazi dute.
2 eta 16 urte bitarteko umeak eta beren familiak gonbidatu nahi dituzte ikastetxea eta hezkuntza proiektua ezagutzeko. Bakarkako elkarrizketetarako hitzorduak lotzeko, 945 300 215 telefono zenbakira deitzea edo agurain@lautadaikastola.eus helbide elektronikora idaztea eskatu dute.
Webgunearen bitartez harremanetan jartzeko aukera ere zabalik dago: "Ezagutu nahi bagaituzu, eman izena eta deituko dizugu".
