Laster zabalduko da hurrengo ikasturterako matrikulaziorako epea, eta Armentia ikastolan, beste urte batez, ilusioz beterik gaude gure ikasgelak etorkizunean euskaldun eleaniztun, sortzaile, kritiko, autonomo, zoriontsu, konprometitu eta prestatuak izango diren pertsonez betetzeko.
Aurten, berriz ere, gure ikastolako ateak parez pare zuentzat zabaldu nahi ditugu, hurbiletik ezagutu gaitzazun. Horrela, gure ikastola, gure instalazioak, gure zerbitzuak, gure hezkuntza proiektua, proiektu pedagogikoa eta abar hobeto eta zuzenean ikusteko, edota buruan dituzun zalantzei erantzuteko, bisita pertsonalizatuen eta ate irekien ekitaldiak antolatu ditugu.
Eraldatzailek gara, hurbilak gara, irekiak gara, euskaldunak gara, kooperatiboak gara. Ikastola gara.
Jar zaitez gurekin harremanetan: telefonoz, 945 145 445 zenbakian; emailez, armentia@ikastola.eus helbide elektronikoan; edo gurera zuzenean etorriz, hitzordua zehazteko. Zatoz ikastolara!