Agustin Otsoa Eribeko (Zuia, EH Bildu) Gorbeialdeko Kuadrillako orain arteko presidentea berriro aukeratu dute kargurako. Javier Gorbeña (Zigoitia, EAJ) aukeratu dute presidenteorde.
Arratzua-Ubarrundia, Urkabustaiz, Zuia, Legutio, Zigoitia eta Aramaioko udaletako ordezkariek legegintzaldi berri honetarako kuadrilla osatu dute, Zuiako udaletxean atzo egindako batzar batean.
Besteak beste, bilkuran parte hartu dute Lurralde Orekako diputatu Anartz Gorrotxategik, Zuiako alkate Unai Gutierrezek, Batzar Nagusietako presidente Irma Basterrak eta Batzar Nagusietako prokuradoreek.