Asteklimako IV. edizioari dagozkion ekimenen artean Gorbeialdeko kuadrillak Gorbeialdean Behin lehiaketa martxan jarri du. Klima eta trantsizio energetikoari buruzko lehiaketa da. Astean zehar, hilaren 25etik 30era, sare sozialen bidez partekatuko den esteka baten bidez energia eta klimari buruzko bi galdera egingo dituzte. Bata orokorra izango da, eta, bestea, Gorbeialdean zentratutakoa.
Egun bakoitzean bi sari banatuko dira: 30 euroko bonua parte hartzen duten guztien artean, eta 60 eurokoa bi galderak zuzen erantzun dituztenen artean.
Koadrillak martxan jarri dituen lehiaketa guztietan bezala, bonuak Gorbeialdeko denda batean gastatzeko izango dira. Oinarri osoak hemen kontsultatu daitezke.