Igande eguerdian, Legutioko baso batean jaurtigai bat izan zitekeena —ustez, obus bat— aurkitu zuela jakinarazi zuen partikular batek. Ertzaintzako Lehergailuak Indargabetzeko Unitateak aztertu du objektu lehergarria: Gerra Zibileko obus apurtzaile bat zen, 90 milimetroko kalibrekoa, 360 milimetroko luzera eta bederatzi kilogramoko pisuarekin.
Ertzainek jaurtigaia erretiratu zuten, eta, arriskutsua izan zitekeenez, Berroziko egoitzara eraman zuten, bertan modu kontrolatuan leherrarazteko.