Segurtasun sailak jakitera eman duenez, gaueko hamarrak pasata, bi autok istripua izan dute N-240 errepidean, Legutio parean. Hainbat pertsona ibilgailuetan harrapatuta geratu dira eta suhiltzaileek atera behar izan dituzte; horietako bat tokian bertan hil da eta beste bi zauritu egin dira, eta ospitalera eraman dituzte.
Istripuaren ondorioz, erreskateak iraun bitartean, errepidea itxita geratu da zirkulazioaren bi noranzkoetan. Ertzaintza gertatutakoa ikertzen ari da.