17:30ak aldera gertatu zen ezbeharra. 17 urteko gazteak Sarria herriko Zaldibartxo putzuetara salto egin zuen bainatzeko, Baia ibaian, Gorbeiako Parke Naturalean. Urduñako adingabeen zentroko beste kide batzuekin zegoen, txango batean.
Uretatik ateratzen ez zela ikusita, kideek abisua eman zioten SOS Deiak larrialdi zerbitzuari, eta Ertzaintza, suhiltzaileak eta anbulantzia bat bertaratu ziren. Iritsi zirenerako, suhiltzaileek itota eta ia pultsurik gabe atera zuten gaztea. Bertaratutako osasun langileek heriotza baieztatu baino ezin izan zuten egin, pultsurik gabe baitzegoen.
Oraingoz, heriotzaren nondik norakoak ikertzen ari dira, baina, "itxura guztien arabera", itota hil zen gaztea. Nolanahi ere, autopsiak baieztatu beharko du heriotzaren arrazoia.