Motor gidari bat hil da igande gauean N-622 errepidean, Zuian, gidatzen ari zela jazotako istripu baten ondorioz. Oraindik ezagutzen ez diren arrazoiak direla eta, motor gidaria errepidetik atera da gaueko bederatzietan, eta ezkerreko erreian geratu da. Ertzaintza, suhiltzaileak eta anbulantziak istripuaren lekura bertaratu diren arren, biktimaren heriotza baieztatu besterik ezin izan dute egin.
Segurtasun Sailak iragarri duenez, istripuaren ondorioz hamar minutuz errepidea erabat moztu behar izan dute, eta ondoren, behin-behinean, eskumako erreia ireki dute, trafiko pilaketak arindu nahian. Halere, 22:00etan bi kilometroko ilarak sortu dira errepidean, Bilborako noranzkoan.