Bart gaueko 22:45ak aldera, bi pertsona hil dira Etxabarri-Ibiñako ordainlekuan gertatutako istripu larri batean, Zigoitian, Gasteizko noranzkoan. Atzerriko matrikula zuen kamioi batek ordainlekuaren kontra talka egin du eta kotxe bat aurretik eraman. Ibilgailuek su hartu dute eta, ondorioz, harrapatutako autoan zeuden bi pertsonak hil egin dira.
Suhiltzaileak sua itzalitakoan ohartu dira ibilgailuaren barruan bi pertsona zeudela, kiskalita. Kamioilariak, ordea, zauri arinak zituen; Santiago ospitalera eraman ostean, Ertzaintzak atxilotu egin du, zuhurtziagabekeriazko giza hilketaren ustezko delitua egotzita. Antza denez, abiadura handia zeraman.
Etxabarri-Ibiñako ordainlekuaren egoera dela eta, une honetan, AP-1 errepidea itxita dago Madrilerako noranzkoan, eta Lukoko N-240 errepidetik desbideratzen ari dira trafikoa. Bidea itxita egongo da garabiek ibilgailuak kendu eta bidea egokitu arte. Irunerako noranzkoan, berriz, bidea irekita dago normaltasunez.
Gaur gaueko ordubatan Etxabarri-Ibiñako peajean trafiko istripua kamioi eta kotxe baten artean. Bi pertsona hildak.
— Bomber@s Gasteiz (@Bomberos_VG) June 25, 2021
Hoy a la noche a la 1 de la madrugada en el peaje de Etxabarri-Ibiña accidente entre camión y coche con dos personas muertas. pic.twitter.com/GTtyJKv7gw