Aramaioko ikastetxe ondoko parkean dagoen Bizente Goikoetxearen eskultura kaltetu dute berriro ere; sudurra eta belarria puskatuta agertu dira.
Aramaioko Udalak horrelako jarrerak salatu nahi izan ditu berriro ere. Gogorarazi du esanahi berezia duela Aramaioko herriarentzat Lorenzo Askasibarrek musikaria omentzeko 1955. urtean egindako eskultura honek. Kritikatu du 2016an eraberritu zenetik, hainbat eraso jasan dituela eta guztiak konpontzeko diru publikoa erabili dela.