Argazki historikoak bildu, aukeratu, katalogatu eta digitalizatzeko proiektua egiteko interesa duten pertsonek edo taldeek eskaera egin beharko dute udaletxean, datorren ekainaren 25a baino lehen, oinarrietan jasotzen den eredua erabilita.
Aurreko fase batean ere, Udalak artxibo historikoa osatzeko beka deialdia atera zuen, eta oraingo deialdiak katalogo hori osatzeko helburua du, auzoetan, etxe askotan gordetzen diren antzinako argazkiak bildu eta horiek digitalizatuz.
Proiektu irabazlea aukeratzen den momentutik aurrera, lau hilabeteko epea izango da lana amaitzeko. Ondoren, artxiboa osatzen duten argazkiekin zer egin eta nola plazaratu erabakiko dute, herriaren ezagutzarako.