Segurtasun Sailak baieztatu duenez, 17:00ak aldera, pertsona bat SOS Deiak larrialdi zerbitzuekin harremanetan jarri da, Aramaioko Santa Ageda inguruan konorterik gabe zegoen mendizale bat aurkitu duela jakinarazteko. Antza denez, baliteke amildegi batetik behera erori eta kolpe handi bat hartu izana.
Larrialdi zerbitzuak berehala bertaratu dira, eta osasun zerbitzuko medikuak baieztatu du biktima hil egin dela jasandako lesioen ondorioz.
Segituan, batzorde judizial bat bertaratu da beharrezko eginbideak egiteko, eta, ondoren, Ertzaintzaren helikoptero batek hildakoaren gorpua eraman du Arrasateko aparkaleku batera. Bertan, hileta zerbitzuak zituen zain, eta Gasteizko Auzitegiko Patologia Forentseko Zerbitzura eraman dute.
Aramaio, Untzilla bidean. Larrialdi-zerbitzuek pertsona bat erreskatatu dute. tamalez, zendu da.
— SOS Deiak - 112 (@112_SOSDeiak) May 27, 2021
---
Aramaio, camino Untzilla. Servicios de emergencia rescatan a una persona. Por desgracia, ha falledico.#mendia pic.twitter.com/oHc9wez3gD