Zuiako Udalak 182 argi puntu berriztu ditu, sodio lurrunezko bonbilla zaharrak kenduz eta kontsumo energetiko baxuagoa duten LED bonbillak jarriz. Udalerrian zehar hainbat motatako luminariari eragin die neurriak; kasurako, bola motakoak, proiektoreak edota bideetakoak (bial deritzenak).
Udalaren esanetan, argiteriari dagokion kontsumoan %60 aurreztu nahi dute neurriarekin. Berriketa lanetan 62.167 euroko inbertsioa egin du Udalak. Jaurlaritzaren Landa Garapeneko Programari esker, gainera, 28.800 euroko finantzazioa lortu dute.