Maiatzaren 21ean, ostirala, Gorbeialdeko Kuadrillako Euskara, Ingurumen eta Berdintasun zerbitzuek antolatutako Bide argiak: euskalgintza, feminismoa eta iraunkortasuna, eraldaketa sozialerako estrategiak izeneko mahai-ingurua izango da Aramaioko Kultur Etxean, 17:30ean.
Jardunaldi horren helburua da herritarrak eta administrazioak gogoeta egitera gonbidatzea, euskalgintza, feminismo eta iraunkortasuna bezalako korronte ideologikoen puntu komunak aztertuz eta jendartea eraldatzeko motorra bezala aurkeztuz. Horretarako, mahai baten bueltan Lorea Agirre kazetari eta antropologoa, Mikel Otero legebiltzarkide eta ekintzaile ekologista eta Bilgune Feministako kide Ainhoa Olaso elkartuko dituzte. Ane Zuazubizkarrek, berriz, moderatzaile lanak egingo ditu.
Interesatuek hemen eskuratu ditzakete sarrerak.