'Kottondarrak'

Familia osoarentzat antzerkia. Anita Maravillas taldearen eskutik.

Kottondarrak antzerki-lana, iraultza industrialean eta mende hasierako ehungintzako emakumeen grebetan oinarritutako istorioa da. Ama eta hiru alabez osaturiko familiaren bidaiak, landa-despopulazioa, exodoa hirira, iraultza industriala, hirietako bizi baldintzak, kapitalismoa, ahizpatasuna eta emakume langileen borroka feminista islatzen eta ikusarazten lagunduko digu. Protagonista txikien ikuspegitik errealitate biziko gertakariak azalduko dira antzeztokian.