2013an Izarran abiatutako baratze ekologikoen proiektuak gero eta harrera hobeagoa du. Urkabustaizko Udalak azaldu duenez, azken bileran, erabiltzaileek oso modu positiboan baloratu zuten ekimena, eta dagoeneko hainbat pertsonak parte hartzeko asmoa adierazi dute.
Egitasmo horri esker, herriko hirigunean dauden lursailak bi urterako okupatzen dira. Hala ere, gaur egun dauden 15 lursailak okupatuta daude dagoeneko, eta, beraz, Udalak itxaron zerrenda bat prestatu du baratze bat eduki nahi duten pertsonek izena eman dezaten.
Bitartean, espazio berriak bilatzen ari da Udala, lursail gehiago egokitu eta herritarren eskaerari erantzun ahal izateko. Gainera, azken bileran, hainbat hobekuntza egitea erabaki zuten: hala nola materialak erostea, lanabesak gordetzeko etxola berritzea eta ureztatze sistema hobetzea.