ADIFek desjabetze prozesua ireki du Aramaion, errepideetan hobekuntzak egiteko

Zabola eta Untzilla arteko errepidea, Aramaion. / GOIENA

Zabola eta Untzilla inguruko errepide batzuetan egingo diren obrak direla eta, ADIFek desjabetze prozesua ireki du. Bertako ondasun eta eskubideen jabeek tartean Aramaioko Udalak horren jakinarazpena jaso berri dute urtarrilean.

ADIFek desjabetze prozesua ireki du Aramaion, Zabola eta Untzilla inguruan errepide batzuk hobetzeko lanak gauzatzeko. Agindua Estatuko Aldizkari Ofizialean argitaratu da, eta bertan kokatzen diren ondasun zein eskubideen jabeek urtarrilean jaso dute jakinarazpena; Aramaioko Udalak ere jaso du, tarte horretan bere jabetzako lurrak dituelako.

Jakinarazpen horietan aipatzen den bezala, erreklamazioak aurkezteko hamabost eguneko epea ezarri da. Udalak azaldu duenez, aurrerantzean, desjabetze prozesuak bere bidea jarraituko du, eta, behin amaituta, obrak egingo dira beheko mapan zehazten diren errepide tarteetan.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide