Antza denez, autobus baten eta bi autoren arteko istripu larria behe-laino trinkoaren ondorioz gertatu da Izuskiza eta Lukuko tunelen artean; hainbat iturriren arabera, ibilgailuetako batek mikrobus baten aurka talka egin du AP-1eko 109 kilometroan. Hala ere, arrazoiak oraindik ikertzen ari dira.
Larrialdi zerbitzuak berehala bertaratu dira; besteak beste, Gasteizko eta Zubillagako suhiltzaileak. Mikrobusean zihoazen bidaiariak ez dira zauritu, baina auto bateko gidaria hil egin da.
8:30ak aldera, AP-1 autobideko Isuskitza eta Lukuko tunelen arteko zatia itxita geratu da Gasteizko noranzkoan. Ertzaintzako trafikoko agenteak Eskoriatzako lehen irteeratik desbideratzen ari dira zirkulazioa.
Beste istripu bat N-622an
Ordubete lehenago, 5:20ak aldera, beste istripu bat jazo da N-622 errepidean, kamioi baten eta auto baten artean; bi zauritu izan dira, eta Santiago ospitalera eraman dituzte.