Dantzatzeko pasioa eta umore paregabea. Bi osagai horiek elkartu ditu hainbat jatorritako dantzariak bildu dituen Tio Teoren Semeak taldeak. Estilo desberdinak nahastuko dituzte ondo pasatzeko helburu bakarrarekin, eta hori erakutsiko dute asteburu honetan, Murgian.
Fresh Cool izeneko ikuskizuna taularatuko dute Palatu kiroldegian; Aritz Salamancak zuzenduta, Iker Sanz, Mederi Orbiso, Ander Domingo, Antton Fernandez, Xuban Iragorri, Jon Iragorri, Aritz Olarte, Ekain Susperregi, Eneko Iparragirre, Mikel Urdanpileta, Unai Etxebeste, Haritz Olaziregi, Beñat Begiristain eta Alai Goñi izango dira dantzari.
Ikuskizunerako gonbidapena hartu behar da entradium.com atariaren bitartez.