Istripua asteazken honetako 7:45ean gertatu da, AP-68 autobidearen 39. kilometroan, Urkabustaiz inguruan, Bilborako noranzkoan. Gidaria Santiago ospitalera eraman behar izan dute.
Eusko Jaurlaritzako Segurtasun Sailak jakinarazi duenez, gizon bat zauritu da bere autoa irauli ostean. Istripua 07:45ak aldera jazo da, ikertzen ari diren arrazoiengatik ibilgailua errepidetik atera denean, 39. kilometroaren parean; ibilgailua bazterbidearen gainean iraulita geratu da.
Ertzaintza, Arabako Suhiltzaileak eta anbulantzia bat bertaratu dira. Zauritua Gasteizko Santiago ospitalera eraman dute.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?