Arabako Diputazioko Bide Azpiegituren eta Mugikortasunaren sailak A-3608 errepidearen zirkulazioa eten du gaurtik abuztuaren 14ra bitartean, N-240errepidearen egokitze eta hobekuntza lanak segurtasunez egin ahal izateko.
A-3608 errepidearen 22,2 kilometro puntutik 22,6 kilometro puntura artean etengo da zirkulazioa. Hori horrela, N-240 errepidetik Zigoitia aldera egin nahi dutenek bestelako bideak hartu beharko dituzte aurrerantzean; hain justu ere, N-622 errepidea eta A1 edo AP-1 arteko lotuneak erabili beharko dituzte, edo San Pedroko baserrigune (Zigotia) eta Elosu (Legutio) arteko bigarren mailako bideak.
Zigoitia, Zuia eta Legutioko Udalei eta honako administrazio batzarrei eman dio Diputazioak mozketa horren eta ordezko ibilbideen berri: Murgia, Zarate, Manurga, Gopegi, Olidategi, Murua, Etxaguen, Olano, Eribe, Zestafe, Okoizta, Buruaga, Berrikao, Legutio eta Elosu.