Aramaioko Udalaren webguneak zibererasoa jasan du, eta, horren ondorioz, webgunea hainbat egunez bertan behera utzi behar izan dute.
Joan den astean hasi ziren nozitzen erasoaren lehen ondorioak. Udaleko iturriek ALEAri adierazi diotenez, lehen zantzuen arabera erasoaren iturria Herbehereetan edo Frantzia aldean egon da, baina eraso beraren inguruan xehetasun larriegirik ez dutela lortu gaineratu dute. Erasoa jasan eta gero kutsakorrak ziren artxiboak kendu badituzte ere, arriskua zegoen eraso horren arrastoren bat gelditzeko, horrek dakartzan arriskuekin.
Webgunearen hornitzailearen eta mantentze lanaz arduratzen den informatikariaren aholkuei jarraiki, ahokaleku zerbitzua aldatzea erabaki dute, segurtasuna bermatu aldera. Horrek eragin du hainbat egunez webgunea bertan behera egon izana. Egun hauetan, Facebook bitartez bideratu behar izan dituzte herritarrei zuzendutako mezuak eta adierazpenak. Webgune berria martxan dute dagoeneko.
