Zuiako X. Gazte Eguna ospatuko dute larunbatean

Kontzertuak 20:30ean hasiko dira. /Eskean Kristo

Herri bazkaria, bertso saioa eta Eskean Kristoren kontzertua izango dira, besteak beste.

Datorren larunbatean, uztailaren 13an, Zuiako gazteek haien hamargarren eguna ospatuko dute Murgian. Urteurrena ospatzeko asmoz, egitarau oparoa prestatu dute Batu, antolatu, ekin, 15 urte elkarrekin! lelopean.

Goizeko 11:30etik hasita, kuadrillen arteko olinpiadak, trikipoteoa, herri bazkaria, bertso saioa –Ane Labaka eta Xabi Igoa bertsolariekin– eta kontzertuak egongo dira. Kontzertuak  20:30ean hasiko dira eta Paradixo, Eskean Kristö eta BassAgain taldeek joko dute. 23:00etan ekitaldia izango da.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide