Aramaioko Udalarekin batera, udazkenerako eta datorren urteko udaberrirako bisita gidatuen programa osatu du Amillena elkarteak. Lehenengoa domekan, hilak 21, egingo dute. Ordubeteko iraupena izango duen ibilaldi baten bidez, Ibarra herriaren historiaren eta ondarearen oinarriak ezagutzeko aukera izango da, euskaraz. Pilotalekuan egin dute hitzordua, 11:00etan.
Bi bide daude izena emateko: Aramaioko udaletxera deituta (945 44 50 16), edo aramaio.amillena@gmail.com helbide elektronikora mezua bidalita.
Amillena, Aramaioko ahozko ondarea, ondare materiala eta naturala berreskuratu eta ezagutarazi, eta bertako turismoa sustatzeko helburuarekin sortutako elkarte bat da.