Pasa den astean elkarrizketak eta bestelako grabazio saioak egin ostean, atzo iluntzean grabatu zuten EITBko Herri txiki, infernu handi telebista saiorako ekitaldia, Legutioko Fernando Garaita pilotalekuan. Jende asko izan zen aurrez grabatutako elkarrizketak ikusten eta Zuhaitz Gurrutxaga eta Mikel Pagadiren bakarrizketak zein Sebastian Lizasoren bertsoak entzuten.
Saioa hasi aurretik, Euskaraldia ekimenean izena emateko aukera izan zuten legutioarrek. Denera, 41 lagunek eman zuten izena: 32 ahobizi eta 9 belarriprest.