Gorbeialdeko Emakumeen XXIII. Topaketa izan zen aurreko ekainaren 1ean. 80 emakume baino gehiago gerturatu ziren Legutioko Kultur Etxera, emakumeen eta gizonen arteko berdintasunaz aritzeko. Besteak beste, indarkeria eta biziraupena izan ziren jorratutako gai nagusiak.
Hala, Emakundek ekoiztutako Volar pelikula proiektatu zuten. Ikus-entzunezko honek indarkeria matxista bizi izan duten bederatzi emakumeren bizipenak eta esperientziak jaso ditu. Proiekzioaren ondoren, topaketan bildutako emakumeek filmaren protagonistekin hausnarketak eta iritziak partekatzeko aukera izan zuten.
Horrez gain, psikologo, taldeko psikoterapeuta eta emakumeen ahalduntze prozesuan aditu Itziar Gandiak Zahartzaroaz gozatzea hitzaldia eskaini zuen, eta emakumeen adintze prozesu berrien inguruan aritu zen.
Gorbeialdeako talde feministaren bideo batek eta Izarra batukadak amaiera eman zioten XXIII. topaguneari.