Pasa den urtarrilaren 27an Gorbeialdeko Euskaltzaleon Topaketaren I. edizioa egin zuten, Murgian. Aramaioko Txirritola euskara elkarteak, Zuiako Baietz 42! taldeak, Zigoitiko Zigoitia Euskaraz lan taldeak, Urkabustaizko Lan eta Jolas elkarteak eta Legutioko euskaltzaleen mugimenduak hartu zuten parte. Guztira, 30 lagun elkartu ziren udalerri bakoitzean urtean zehar egindako ekimenik esanguratsuenak aurkezteko eta lan horretan buru-belarri sartzeko arrazoiak aletzeko.