Abenduaren 30etik desagertuta zegoen Jon Barcena Berrizko (Bizkaia) gaztea, Gorbeiara lagun batzuekin igo eta gero. Herrizaingo sailak uste zuen uretan egon zitekeela, baina azkenean lurrean aurkitu dute, haren arropak aurkitu zituzten txabolatik gertu; ziurtatu dutenez, aurretik ere egin zituzten miaketa lanak han.
Lagun eta senide talde bat izan da gaur bilaketa lanetan ibili dena. Identifikazio ofiziala egitea falta den arren, Estefania Beltran de Heredia Segurtasun Saileko buruak jakitera eman duenez, senide batek identifikatu du Jon Barcenaren gorpua.