Argi enpresa baten eskaintza iruzurra izan litekeela ohartarazi dute Aramaion

Erredakzioa 2017ko abe. 27a, 13:06
Argi enpresa ezezagun batek eskaintza oso ona egiten ari da Aramaion.

Udalak ohartarazi du iruzurra egon daitekeela argi enpresa ezezagun bat herrian egiten ari den eskaintzaren atzean, eta adi egoteko gomendatu die bizilagunei.

Aramaioko Udalak webgunean argitaratu duen informazioaren arabera, herritar batzuk aditzera eman dutenez, herrian argi enpresa ezezagun baten ordezkari bat dabil eta eskaintza berria egiten ari da. Itxuraz, oraingoarekin alderatuta oso ona den eskaintza egiten du. "Honen aurrean, herritar batzuk udaletxera etorri dira honetaz galdetzen eta dagokion konprobazioak egin ondoren, ikusi da eskaintza faltsua dela eta atzean iruzurra egon daitekeela".

Horregatik, norbaitek eskaintza jasotzen badu, benetan egia dela egiaztatzea eskatzen du Udalak.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide