Oron bertan dagoen Atakaba jatetxeak eta Otsoak banatzaile arabarrak antolatutako jaian, artisau garagardoa dastatzeko aukera izango da egun osoan; horrez gain, tokiko ekoizle eta artisauek ere beren tokia izango dute. Azokarekin batera, musika, dantza eta txalaparta emanaldiak izango dira, bai eta familia eta txikiei zuzendutako jarduerak.
Antolatzaileek jakinarazi dute Ororaino ibilgailuz joan nahi ez dutenek autobus zerbitzua izango dutela eskura egun osoan. Hain justu, honako ordutegia izango du garraio publikoak: joateko, 11:30ean eta 16:00etan; eta bueltatzeko, 16:30ean eta 23:00etan. Gasteiztik aterako da autobusa, Marianistas ikastetxe ondotik.
Bonoa aurretik
Egunean bertan erosi ahalko dute garagardozaleek edalontzi ofiziala. Dena dela, autobusa, edalontzia eta lehenengo garagardoa barne duen bonoa eskuratzeko aukera ere egongo da Atabaka jatetxean, Otsoaken, Naski tabernan, Guernica garagardotegian, The Book tabernan eta Zurrupa tabernan.