2012an lortu zuen lehen txapela; 2015ean, bigarrena; eta maiatzaren lehen asteburuan Berangon urtero egiten den txapelketan, hirugarren txapela jantzi zuen.
Langabezian geratu eta gero, Izarra, Gorbeia hegoaldean lantegi artisaua jarri zuen martxan Belaustegi gasteiztarrak. Abentura horretan bere senarraren, Iñaki Meaberen, laguntza eta baita familiarena ere izan zuen. 2012an izan zen hori.
Gorbeiako produktuak
Goiuri Gozogintza euskal pastelean espezializatuta dago. Errezetan nahasten dira Gorbeiako esne eta arrautzak, azukrea, eta Belaustegiren esanetan, "maitasun handia eta eguneroko esfortzua". Betiko bertsioaz gain, txokolate, gerezi eta masusta gorrikoak ere, besteak beste, egiten ditu.
Euskal Herriko azoka nagusietan aurki daiteke aurtengo pastel onena, eta baita, egunero, Izarrako Ugarte kaleko gozotegian ere.