URKABUSTAIZ: LABURBIRA 2016, Film laburren XIII. zirkuitua

Ate joka da hamahirugarrenez LABURBIRA! Aurten ere euskarazko zortzi ekoizpen fresko-fresko dakartza, hunkituko zaituzten istorio anitzez kargatuta. Izan ere, euskarazko ikus-entzunezkoen sortzaileek ez dute etenik, kalitatezko lanak egiten jarraitzen dute.

2016ko otsailaren 25etik martxoaren 20ra bitarte, 27 herri bisitatuko ditu film laburren zirkuituak: Araia, Areatza, Arespalditza, Aretxabaleta, Arrasate, Azkoitia, Azpeitia, Basauri, Bergara, Berriozar, Ermua, Etxebarri, Gasteiz, Guardia, Hernani, Hondarribia, Igorre, Larraintzar, Lazkao, Mutriku, Ordizia, Paris, Sondika, Soraluze, Urkabustaiz, Usurbil eta Zumaia. Hurrengo geltokia Urkabustaiz izango da.

Zeuk ere bertatik bertara ikusiko duzu: barrea, beldurra eta tximeletak piztuko zaizkizu sabelean ordu eta erdi inguruko emanaldi honetan. Geureaz gozatzeko prest?

• Ordua: 19:30
• Tokia: Kultur Etxea
• Eragilea: Urkabustaizko Udala