Gasteizko Udalak bat egin du Espainiako Udalerrien eta Probintzien Federazioak (FEMP) deitutako minutu bateko isilunearekin, gaur Toledoko probintzian gertatutako tren istripuaren biktimen omenez. Elkarretaratzea gaur bertan egingo dute, 20:00etan, Plaza Berrian, udaletxearen atarian, elkartasuna eta babesa adierazteko.
Ezbeharra gaur goizean gertatu da Urdan (Gaztela Mantxa), abiadura handiko trenbidean, eta azken urteetan Espainian izandako tren istripurik larriena bilakatu da. Gaztela-Mantxako Erkidegoak jakinarazitako azken datu ofizialen arabera, gutxienez 68 pertsona hil dira eta beste 58 ospitaleratuta daude, horietatik hamabost egoera larrian.