Gasteizko Udaltzaingoak 39 urteko emakume bat atxilotu du, beste emakume bati eraso egitea egotzita. Astearte gau batean gertatu da erasoa, 04:00 inguruan. Arriagako atean zebilen uniformerik gabeko Udaltaingoaren patruila batek ezbaian ari zen pertsona talde bat ikusi du, eta, ondorioz, lagun multzo horretara hurbildu da.
Udalaren oharraren arabera, udaltzainek ikusi dute emakume batek beste bati eraso egin diola. Identifikatu dituztenean, ama eta alaba zirela konturatu dira. Ondorioz, eta etxeko indarkeriaren testuinguruan, ama atxilotuta eraman dute, lesio delituen ustezko egilea delakoan.