Zesta Punta Guuk Experience 2026 bira irailaren 20an iritsiko da Gasteizko Olabe pilotalekura, Araba-Bizi Airean klubaren eskutik. Ekimenaren helburua zesta-punta familiei eta belaunaldi berriei hurbiltzea da, oinarrizko eskolen bidez kirolaren etorkizuna sustatzeko.
Jarduera 11:00etatik 12:30era egingo da, eta Araba-Bizi Airean eskolako pilotari gazteek erakustaldia egingo dute. Bertaratutakoek hainbat ariketa eta masterclass batean parte hartzeko aukera izango dute, saskiarekin praktikatu eta zesta-puntaren nondik norakoak ezagutzeko.
Jon Zabala Bullet puntistak ere zesta-puntaren historia, balioak eta abiadura oinarri duen kirolaren inguruko zehetasunak azalduko ditu. Zabala zesta-puntaren aurpegi ezagunenetako bat da, eta belaunaldi berrien artean zesta-punta sustatzearen bultzatzaile nagusietako bat 2023az geroztik.
Maite Ortiz de Mendibilek ere parte hartuko du. 2005ean Andetxan jaiotako puntista emakumezkoen zesta-puntaren erreferenteetako bat da, eta urrian Argentinan jokatuko du Munduko Txapelketa.
Parte hartu nahi dutenek aurrez eman beharko dute izena: https://guuk.com/zesta-punta-guuk-experience