Txikienen egunean, bigarren txanpa heldu da Gasteizera, Edurne eta Zeledon Txikiren jaitsierarekin. Bereziak kuadrillako Haizea Lauzurica eta Los Desiguales kuadrillako Ekain Gonzalez gaztetxoek gorpuztu dituzte aurten jaietako pertsonaiak.
Gaur goizekoa ez da izango eguneko bi protagonistek izango duten zeregin bakarra, inondik inora. Txikien eguna denez, Blusen eta Nesken kalejiran parte hartzeko gonbidapena dute, eta arratsaldean Ande Maria Zuriaren plazan harrentzat antolatutako jai berezian ere protagonistak dira.