Blusak eta neskak goizean igo dira San Migel elizaraino, Andre Maria Zuriaren omenez urtero egiten den eskaintzan parte hartzeko. Kuadrillak banan-banan igaro dira irudiaren aurretik, lore sortak utzi, aurreskuak dantzatu eta ordezkarien hitzak entzuteko.
Eskaintzetan hainbat mezu izan dira protagonista. Batzuek jada gure artean ez dauden pertsonak gogoratu dituzte, eta beste batzuek errespetuan eta elkarbizitzan oinarritutako jaiak aldarrikatu dituzte. Nork bere kuadrillaren izena ozen kantatuta, hasiera eman diote jaietako bigarren egunari.