Urtero bezala, Santiago egunak jaien atariko hitzordu garrantzitsua irudikatu du. Blusa eta nesken joan-etorriekin batera, txarangek ez dute atsedenik hartu, eta haien erritmoak hiriko txoko guztiak busti ditu. Plaza eta kaleetan, terrazetan eta azokako postuen artean, barraketan jai giroa nagusitu da, eta herritar askok aprobetxatu dute lagunekin elkartzeko eta uda erdiko hitzordu berezi honetaz gozatzeko. Berakatz saltzaile eta erosleen joan-etorriak ere etengabeak izan dira, goizeko azokari ohiko bizitasuna emanez.
Argazkiak: EKAITZ ANDA