Goizeko lehen orduan jazo da gertakaria, Ironmanaren lehenengo atalean. Igeriketa proba egiten ari zela, parte hartzaileak laguntza behar zuela jabetu dira antolatzaile eta larrialdi zerbitzuak. Berehala atera dute uretatik eta erreanimazio lanak egiten hasi zaizkio bertan.
Larrialdi zerbitzuek berehala artatu dute gaztea, baina ezin izan dute kirolariaren bizia salbatzeko ezer egin, eta gazte britainiarraren heriotza baieztatu dute 08:00ak pasata.
Ironman saioak aurrera egin duen arren, nabaria izan da goiz osoan zehar antolakuntza, partaide eta bertaratuen samina.