Gero eta gertuago daude Gasteizko jaiak, bi hilabete inguru falta dira jadanik. Jaiekin batera, EHUren Gasteizko campusera itzuliko dira txosnak. Aurten ere abuztuaren 4tik 9ra ospatuko dira jaiak, asteartetik igandera bitartean, sei festa egun, zazpi txosna, hiru karpa, lau agertoki eta dozenaka kontzertu, ikuskizun eta emanaldi izango dira Gasteizko Txosnagunean.
Ekainean zehar jakinaraziko dituzte Gasteizko Txosnetako hiru oholtza nagusietan —agertoki nagusia, Entxosnatu Karpa eta Gazte Karpa— arituko diren musika talde eta DJak. ALEAk jakin duenez, baieztapenak tantaka iritsiko dira. Askotariko proposamenak izango dira, gustu eta estilo anitzekoak, baita sorpresaren bat edo beste ere. Txosnetako leloa aurten ere Entxosnatu, etorri gugana! izango da.
TALDEAK eta DJak
Orain arteko baieztapenak
SKABIDEAN
Ska eta rocksteady doinuak beste hainbat iturrirekin nahasten ditu Iruñeko taldeak. Txosnagunea dantzan jarriko dute aurten.
MATAH
Bartzelonatik etorriko da Malah, Txosnagunean dantzan jartzeko asmoz.
IRTEN-BIDE
Goierriko boskotea Gazte Karparen 15. urteurrena ospatzera hurbilduko da jaietan.
THE LIO
Punk-rock talde nafarra ere izango dugu aurten Gasteizko Txosnetan.
ESTOLDETAN
Gazte Karpan arituko da bikote gasteiztar gaztea.
INDABE
Donostiako laukotea ere izango da Gazte Karparen urteurrena ospatzen.
CHOCOLATE REMIX
Argentinatik datorren artista izango da lehen aldiz Txosnagunean, bere reggaetoi feministarekin.
ELENA BARKER
Urduñatik Bilbora, eta Gasteiza etorriko da Barker musika elektronikoz betetzera Txosnagunea.
M.RAVARINO
DJ gasteiztarrak beste behin jarriko du dantzan Entxosnatu Karpa.
