Israelgo Armadak bahitutako Global Sumud Flotillako sei euskal herritarrak Euskal Herrira irisi behar ziren gaur, baina ekintzaileetako bi Turkian daude ospitaleratuta, atxiloketan pairatutako indarkeriak eragindako lesioengatik, eta gainerakoek beraiekin geratzea erabaki dute.
Global Sumud Flotillako ekintzaileek salatu dutenez, Israelek muturreko indarkeria erabili du atxilotuen kontra. Gutxienez hamabost lagunek sexu erasoak salatu dituzte baita bortxaketa bat ere. Beste hamazazpi lagunei hezurrak hautsi dizkiete Israelgo Armadako soldatuek. Taser pistolekin ere eraso egin diete eta gertutik gomazko pilotak bota dizkiete. Halaber, denbora luzez estresa eragin dien posizioetan atxikita izan dituzten pertsonen testigantza ugari jaso dira.
Zipren flotillako ekintzaileak bahitu zituztenetik gaur arte Eusko Legebiltzarraren aurrean kontzentrazioa egin duten dozenaka lagunek, Eusko Jaurlaritzaren esku hartzea exijituz, Israelgo gobernuarekin duen lankidetza salatuz eta harekiko harremanak behin betiko eteteko eskatuz.