Aurten hezkuntza munduari begira osatu da Eragiteko Janzten bideo elkarrizketa sorta. Etorkizuneko euskaldunen hizkuntza ohiturak aztertu nahi izan ditugu, eta horretarako gonbidatu ditugu Gasteizko ikastetxe eta esparru ezberdinetako gurasoak, irakasleak eta aisialdiko begiraleak.
Nerea Etxebarria gerturatu da gaurkoan ziklora, eta hezkuntza eleanitzaren errealitatea azaldu digu, Veracruz ikastetxeko alabaren kasua abiapuntu hartuta. Hurrengo elkarrizketak, San Viator ikastetxeko eskaut taldeko begiraleak, eta A ereduko ikastetxe bateko euskara irakaslea.
Hamahiru elkarrizketa guztira, Euskaltzaleen Topagunea, Lazarraga Kultur Elkartea, GEU Elkartea eta ALEAren eskutik.
