Aurten hezkuntza munduari begira osatu da Eragiteko Janzten bideo elkarrizketa sorta. Etorkizuneko euskaldunak izango diren haurren hizkuntza ohiturak aztertu nahi izan ditugu, eta horretarako gonbidatu ditugu Gasteizko ikastetxe eta esparru ezberdinetako gurasoak, irakasleak eta aisialdiko begiraleak.
Oraingoan Gasteizko Miguel de Cervantes ikastetxe publikoko ikasketa burua gonbidatu dugu. Berak azalduko digu nolako egoera duen euskarak eskolan, nola saiatzen diren sustatzen, eta zer lotura duten beren ikasleek euskararekin.
Hurrengoak, Burgostik etorritako aita euskalduna, Paraguaytik etorritako ama guarani hiztuna, eta ikastetxeetan bertso eskolak ematen dituen begiralea. Hamahiru elkarrizketa guztira, Euskaltzaleen Topagunea, Lazarraga Kultur Elkartea, GEU Elkartea eta ALEAren eskutik.
