Atzo arratsaldean pertsona bat hil zen Gasteizko kanpoaldean trenak harrapatuta. Arratsaldeko 18:00ak aldera izan zen istripua. Gertakaria baimendutako pasabidea ez den puntu batean izan zen, trenbideak zeharkatzen dituzten zubi batzuen parean, A-132 errepidea eta Euskadi etorbidea lotzen dituen pasabidean, Salburua eta Arkaia inguruan.
Istripuaren ondorioz, tren zirkulazioa eten egin zen 18:30etik 20:30era bitartean, segurtasun indarren eskariz, Gasteiz eta Dulantzi arteko tartean. Zerbitzua berriro martxan jarri zenean, trenek atzerapenak izan zituzten, trafikoa pixkanaka normaldu arte.