Dozenaka euskaltzalek txiki utzi dute Gasteiz erdigunea abenduaren 3a ospatzeko eta euskararenak urteko egun guztiak direla aldarrikatzeko. Jai giroan, GEU elkartearen ekimenez, Euskarak 365 egun dituela azpimarratu dute, eta, eguneko leloarekin bat, "euskara zaindu, elikatu eta pizteko" deia egin dute.
Zirkun Zirku taldearen ikuskizunarekin hasi dira arratsaldeko ekitaldiak Izaskun Arrue Kulturgunean. Handik Kumbalaye batukadak eraman ditu kalejiran plaza nagusira, eta euskararen argiak piztu dituzte azkenik Andre Maria Zuriaren plazan.