Gasteizko udaltzainek 38 urteko gizon bat atxilotu duten asteazken arratsaldean, adingabeen aurrean bikotekideari etengabeko eraso fisikoak, hertsapenak, mehatxuak eta irainak egitea egotzita.
Udaltzaingoak adierazi duenez atxiloketa 16:50ak aldera egin zuten, El Pilar auzoan. Patruila bat bertara bidali zuten ustezko erasotzailea atxilotzeko, emakumeak polizia etxean salaketa aurkeztu eta gero. Poliziak iritsi zirenean, gizona ibilgailu baten barruan aurkitu zuten, eta istilurik gabe atxilotu zuten.