Bihar eta ostegunean, urriak 28 eta 30, beste bi greba egun izango dituzte Gasteizko Fibertecnic enpresan, hitzarmen berriaren negoziazioan aurrerapenik ez dagoelako. Urriaren 16, 21 eta 23an egindako greben ostean, lan gatazkak bere horretan jarraitzen du, eta deialdi berriak iragarri dituzte hurrengo egunetarako ELA, LAB eta CCOO sindikatuek.
Greba egunek babes handia izan dutela gogoratu du ELAk. "Ekoizpeneko langile ia guztiek egin zuten bat", nabarmendu du -165 langile guztira-, baina negoziazioek ezin aurrera egin jarraitzen du. Sindikatuek salatu dute enpresak aurkeztutako proposamenak ez direla nahikoak. Besteak beste, KPIaren gaineko igoerak, lanaldia murriztea, errelebo kontratua eta plusen igoera ekonomikoa bermatzea nahi dute.