Hil egin da atzo auto batek harrapatu zuen 90 urteko emakumea. Zaramaga auzoan izan zen istripua, Nafarroa errege-erreginak kalean, 16:00ak aldera. Semafororik gabeko zebrabide bat gurutzatzen ari zen emakumea.
Udaleko Segurtasun Sailak emandako datuen arabera, emakumea autoaren azpian harrapatuta geratu zen, eta suhiltzaileek atera zuten azpitik neumatiko berezi batzuekin. Erreskatatu zutenean, bizirik zegoen, baina larri zaurituta.
Hainbat haustura zituen eta kolpe handi bat buruan. Osasun zerbitzuek berehala eraman zuten ospitalera, eta hantxe hil zen.