Azaroaren 1etik aurrera, Madrilerako eta Bartzelonarako hegaldiak izango ditu Forondak. Astean lau egunez lotuko ditu bi hiriak Gasteizekin, Volotea konpainiaren eskutik.
Air Nostrum konpainia ere aurkeztu da lizitaziora, baina, azkenean, VIA aireportuaren sustapen agentziak Volotearen alde egin du, 4.400.000 euroko kontratu batekin. Azaroaren 1etik aurrera urtean 135 hegaldi eskaini beharko ditu Forondatik Madrilera eta Bartzelonara joateko.
Astean lau maiztasun izango dituzte; astelehen, ostegun, ostiral eta igandeetan, konpainiak zehaztu duenez. Akordioa urtebetekoa da, eta bi urtera luza daiteke. Txartelak laster erreserbatu ahal izango dira konpainiaren webgunean.